Peru millisinin hücumçusu Cefferson Farfan qrup mərhələsinin üçüncü turu çərçivəsində Avstraliya ilə oynanılacaq matçda meydana çıxa bilməyəcək. Apasport.az saytının məlumatına görə, 33 yaşlı futbolçu instaqram hesabında başındakı zədə səbəbindən oynamasının mümkün olmadığını açıqlayıb.

“Dəstəyinizə görə təşəkkür edirəm. Allaha şükürlər olsun ki, vəziyyətim stabildi. Ailəmlə birlikdəyəm. Artıq sağlamlığım və bərpa prosesim barədə düşünmək zamanıdı. Sonuncu oyunda komanda yoldaşlarımın yanında olmağı çox istəyərdim, ancaq həkimlər oynamağımı məsləhət görmədilər. Xəstəxanadan millini dəstəkləyəcəm. Komanda, bizi sevindirəcəyinizə inanıram” – deyə, o qeyd edib.

Xatırladaq ki, Peru yığması ilk iki oyundakı məğlubiyyətlərin ardından qrupdan çıxmaq şanslarını itirib.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb