“Yaxşı çıxış etdik, oyunu nəzarətdə saxlamışdıq. Amma adi vəziyyətdə qapımıza penalti təyin olundu”. Apasport.az saytının xüsusi müxbirinin Moskvadan verdiyi məlumata görə, bu sözləri Xorvatiya millisinin baş məşqçisi Zlatko Daliç deyib.

DÇ-2018-in final matçında Fransa ilə qarşılaşan “damalılar”ın çalışdırıcısı məğlubiyyəti dəyərləndirib.

O, mətbuat konfransında fikirlərini bölüşüb: “Dünya çempionatı kimi bir turnirdə hakimlər belə vəziyyətdə penalti vermirlər. Amma nə etmək olar? Mən adətən hakimlərin qərarını müzakirə etmirəm. Çox təəssüflənirəm. Oyunçularıma da dedim ki, onlarla qürur duyuram”.

Bundan sonrakı planları ilə bağlı danışarkən Daliç hələlik istirahət etmək fikrində olduğunu söyləyib: “Son bir neçə ayı gərgin rejimdə işlədim. Heç vaxt təcili qərar vermirəm. Xorvatiyaya qayıdıb istirahət etməkdən başqa heç nə düşünmürəm”.

• Bakıda 18 yaşdan 80 yaşadək triatlonçular mübarizə aparacaq
• Yubiley Formula 1 Azərbaycan Qran-Prisi üçün yeni tribuna quraşdırılıb
• Azərbaycan kikboksçusu 2 il müddətinə diskvalifikasiya olunub
• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB