"Qarabağ"ın futbolçusu Elvin Cəfərquliyev komandanı tərk edə bilər.

Apasport.az-ın əldə etdiyi məlumata görə, Azərbaycan millisinin üzvü ilə İtaliya təmsilçiləri maraqlanır.

Müdafiəçi A Seriyasının 3 klubunun transfer hədəfinə çevrilib. Cəfərquliyevin xidmətində "Latsio", "Torino" və "Komo" maraqlıdır.

Romalılar ağdamlıların futbolçusunu hələ ki, izləmə mövqeyindədir. Digər klublar isə Elvinlə bağlı müsbət qərar veriblər.

Bildirilir ki, "Qarabağ" Elvin üçün 3 milyon avro tələb edir. İtaliya klubları isə həmin məbləği ödəməyə hazırdır. 

Qeyd edək ki, Cəfərquliyev 2018-ci ildən Ağdam təmsilçisinin şərəfini qoruyur.

• "Qarabağ" - "Sabah" matçı tarixə düşüb
• “Sabah” ölkə kubokunu qazanan 10-cu komanda olub
• Azərbaycan Kuboku: Final oyununda son iki mövsümün rekordu qeydə alınıb
• Ayxan Abbasov: "Güclü komandalara qarşı çıxış etməyin yalnız müsbət təsiri olur"
• UEFA-nın dəstəyi ilə keçirilən minifutbol turnirinə yekun vurulub