Ümummilli lider Heydər Əliyevin xatirəsinə həsr olunmuş minifutbol turnirinə noyabrın 25-də start veriləcək.

Apasport.az xəbər verir ki, bunu Azərbaycan Gənclər və İdman Nazirliyinin mətbuat xidməti açıqlayıb. 

Gənclər və İdman Nazirliyi, Azərbaycan Futbol Federasiyaları Assosiasiyası və Azərbaycan Minifutbol Federasiyasının təşkilati dəstəyi ilə keçirəcəyi turnirdə 52 dövlət qurumu, şirkət və müxtəlif təşkilatların komandaları mübarizə aparacaq. 2024-cü il mayın 6-dək davam edəcək oyunlar şənbə və bazar günləri keçiriləcək.

Bu gün Azərbaycan Dövlət Bədən Tərbiyəsi və İdman Akademiyasında iştirakçı komandaların nümayəndələri ilə görüş keçirilib. Görüşdə Gənclər və İdman Nazirliyinin Olimpiya və paralimpiya növləri sektorunun müdiri Fikrət Hüseynov turnirin əsasnaməsi və qaydalar barədə məlumat verib, yarışla bağlı texniki məsələləri görüş iştirakçılarının diqqətinə çatdırıb. Görüşdə qurumların nümayəndələrinin sualları cavablandırılıb və təklifləri dinlənilib.

• İdmançımız Avropa çempionatında tarixi nailiyyətə imza atıb
• Azərbaycan İdman Akademiyası beynəlxalq layihəyə qoşulub
• İdmançımız Türkiyədə qızıl medal qazanıb
• AAF rəsmisi Avropa Ağırlıqqaldırma Federasiyasının Xüsusi Konqresində iştirak edib
• Ölkəmizi Avropa Gənclər Paralimpiya Oyunlarında təmsil edəcək idmançılar müəyyənləşib