Oktyabrın 2-də ölkəmizdə kəmər güləşi üzrə 3-cü Avropa çempionatına start verilib. Mərasimdə əvvəlcə iştirakçı ölkələrin bayraqları nümayiş etdirilib. 

Apasport.az xəbər verir ki, tədbirin açılış mərasimində Gənclər və İdman nazirinin müavini Fərhad Hacıyev, Beynəlxalq Kəmər Güləşi Assosiasiyasının baş katibi Xabir Xabibullin çıxış edərək idmançılara uğurlar arzulayıblar.

Ardınca Azərbaycanın Dövlət Himni səsləndirilib. Sonda gimnastika və milli güləş növlərinə aid nümunəvi hərəkətlər nümayiş olunub.

Qeyd edək ki, turnirdə 20 ölkədən 150 güləşçi medallar uğrunda mübarizə aparır. Azərbaycanın kəmər güləşi üzrə milli yığma komandası yarışda 32 kişi və 10 qadın idmançı ilə təmsil olunur.

• Kamandan oxatma üzrə Bakı çempionatı keçiriləcək
• Üç azərbaycanlı atlet “Alufar IRONMAN 70.3 Baku” triatlon yarışının qalibi olub
• Xorvatiyalı triatlonçu: “Bu, inanılmaz emosiyadır”
• “IRONMAN 70.3 Baku”: Finişə ilk çatan idmançı müəyyənləşib - FOTO
• Bakıda keçirilən “IRONMAN 70.3” triatlon yarışına start verilib