Avstriyanın Qrats şəhərində keçirilən fiqurlu konkisürmə üzrə Avropa çempionatı davam edir.

Apasport.az saytının məlumatına görə, ikinci yarış günündə rəqs duetləri qısa proqramda qüvvəsini sınayıb, kişilər sərbəst çıxışla mükafatçıları müəyyənləşdiriblər.

Azərbaycan millisinin üzvü Vladimir Litvintsev 151,08 xal toplayıb. O, kişilərin sərbəst proqramında 8-ci olub.

Təmsilçimiz iki çıxışın cəmində 221,09 xal yığıb. Bu, qısa proqramdan sonra 17-ci olan V.Litvintsevin Avropa çempionatını 9-cu yerdə başa vurması üçün yetərli olub.

Avropa çempionu adına isə rusiyalı Dmitri Əliyev layiq görülüb. O, 272,89 xal toplayıb. Onun komanda yoldaşı Artur Danielyan 246,74 xalla 2-ci, gürcüstanlı Morisi Kvitilaşvili 246,71 xalla 3-cü olub. 

Qeyd edək ki, Azərbaycan yığması Avropa çempionatına iki idmançı ilə yollanıb. V.Litvintsevlə yanaşı, Yekaterina Ryabova da fərdi yarışlarda çıxış edəcək.
 

• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək
• Bakıda keçiriləcək "Alufar IRONMAN 70.3" triatlon yarışı çərçivəsində tədbirlərə start verilib