Qılıncoynatmanın sablya növü üzrə qadınlardan ibarət milli komandamız Özbəkistanın paytaxtı Daşkənddə keçirilən Dünya Kubokunun mərhələ yarışının finalında gümüş medalla kifayətlənib.

Apasport.az xəbər verir ki, komandamız Bolqarıstan yığmasına 40:45 hesabı ilə uduzub.

Xatırladaq ki, Anna Başta, Valeriya Bolşakova, Səbinə Kərimova və Polina Kaspiaroviçdən ibarət komandamız daha öncə finala gedən yolda Kanada (45:38), Fransa (45:44) və Macarıstan (45:37) yığmalarına qalib gəlib.

Daha öncə Dünya Kubokunda qadın sablyaçıların şəxsi yarışında Anna Başta, Zərifə Hüseynova və Səbinə Kərimova əsas mərhələnin ilk görüşündə uduzaraq mübarizəni dayandırıb.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO