Azərbaycanın minifutbol üzrə U-23 millisinin Xorvatiyanın Malıy Loşin şəhərində təşkil olunan dünya çempionatında üçüncü yer uğrunda oyun üçün rəqibi müəyyənləşib.

Apasport.az xəbər verir ki, Rəcəb Fərəczadənin rəhbərlik etdiyi komanda Serbiyanın müvafiq yaş qrupundan ibarət yığması ilə qarşılaşacaq.

Görüş sabah saat 17:00-da keçiriləcək.

Qeyd edək ki, Azərbaycan millisi yarımfinalda Çexiyaya 3:4 hesabı ilə uduzub. Rəcəb Fərəczadənin rəhbərlik etdiyi kollektiv 1/4 finalda İngiltərədən (3:0) güclü olub. Yığma qrupda Hindistan seçməsini 16 cavabsız qolla üstələsə də, Serbiyaya (1:5) və Çexiyaya (0:2) uduzub.

• "Qarabağ" - "Sabah" matçı tarixə düşüb
• “Sabah” ölkə kubokunu qazanan 10-cu komanda olub
• Azərbaycan Kuboku: Final oyununda son iki mövsümün rekordu qeydə alınıb
• Ayxan Abbasov: "Güclü komandalara qarşı çıxış etməyin yalnız müsbət təsiri olur"
• UEFA-nın dəstəyi ilə keçirilən minifutbol turnirinə yekun vurulub