Azərbaycan millisinin sabiq baş məşqçisi Nikola Yurçeviç Livan yığması ilə yollarını ayırıb.

Apasport.az xəbər verir ki, Livan Futbol Federasiyası 2 aydan sonra xorvatiyalı mütəxəssisi istefaya göndərib.

Federasiya oktyabrda baş məşqçi postuna təyin etdiyi 57 yaşlı məşqçinin gedişinin səbəbini daha güclü mütəxəssis gətirmək istəyi ilə əlaqələndirib: “İcraiyyə Komitəsinin üzvləri Asiya kubokunda iştirak etməmişdən əvvəl ən yaxşı məşqçi heyətinin təyinatı üçün bu qərara gəliblər”.

Qeyd edək ki, Azərbaycan millisini 2019-cu ildə çalışdıran məşqçinin rəhbərliyi altında 10 oyun keçirən yığmamız 1 qələbə qazanıb, 2 heç-heçə edib, 7 dəfə məğlub olub.
 

• "Neftçi"nin futbolçuları üçün seminar keçirilib
• Mehman Hacıyevin xatirəsi bir dəqiqəlik sükutla yad olunacaq
• Rəhim Həsənov mübahisəli epizodları dəyərləndirdi – Hakimlərin qərarlarını doğru saydı - VİDEO
• Kərimovdan "Sabah" etirafı: "SƏVİYYƏ BAXIMINDAN ÇOX AŞAĞIDAYIQ"
• “Qarabağ” Koxalski ilə yollarını ayırdı - RƏSMİ