“Şükürlər olsun ki, Avropa Oyunlarında bürünc medal qazandım”.

Bunu apasport.az saytının Polşaya ezam olunmuş əməkdaşına açıqlamasında III Avropa Oyunlarında bürünc medal qazanan Azərbaycan boksçusu Murad Allahverdiyev (80 kq) deyib.

Yarımfinalda Qabriyel Veoçiçə (Xorvatiya) məğlub olaraq yarışı bürünc medalla başa vuran boksçu bildirib ki, zədələri görüşü istədiyi kimi davam etdirməyə imkan verməyib: “Fikrim zədələrdə qaldı, ehtiyatı da qoruduğum üçün yaxşı döyüşə bilmədim. Rəqibim də çox güclü idi. Ona növbəti yarışlarda uğurlar arzu edirəm. Çatışmayan cəhətlərin üzərində işləyəcəyik. Bakıda 22 yaşadək boksçular arasında Avropa çempionatı keçiriləcək. Ora hazırlaşacam. Əsas məqsədim və hədəfim isə Paris-2024 Yay Olimpiya Oyunlarında mükafatçılar sırasında yer almaqdır. Avropa Oyunlarında zədələr istədiyim kimi döyüşməyimə imkan vermədi. Ancaq Olimpiadada qızıl medal uğrunda mübarizə aparacağam”.

Qeyd edək ki, Allahverdiyev Avropa Oyunlarında yarımfinala yüksəlməklə Paris-2024-ə lisenziya qazanıb. 
 

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO