Azərbaycan Kanoe və Avarçəkmə Federasiyası (AKAF) avarçəkənlərin Neftçalada təlim-məşq toplanışını təşkil edəcək. 

Apasport.az saytının məlumatına görə,  sentyabrın 9-da saat 12:00-da baş tutacaq toplanış Axmaz göl su hövzəsində keçiriləcək. 

Bununla həm də AKAF-ın Axmaz göl su hövzsində yaradacağı bazanın açılışı olacaq. 

Qeyd olunan filial Neftçala Olimpiya Kompleksinin nəzdində fəaliyyət göstərəcək. Filialın istifadəyə verilməsi ilə Neftçala və ətraf rayonlarda yaşayan yeniyetmələrə bu idman növü ilə məşğul olmaq üçün əlverişli şərait yaranacaq. 
AKAF-ın əsas prioritetlərindən biri ölkə ərazisində yeniyetmə və gənclər arasında avarçəkməni əlçatan etməkdir. Neftçalada istifadəyə veriləcək yeni filial da gələcək planlar çərçivəsindədir. 

Qeyd edək ki, AKAF yaxın gələcəkdə ölkə ərazisində avarçəkmə üçün əlverişli olan bir neçə su hövzəsində bu kimi təlim-məşq toplanışları keçirməyi nəzərdə tutub. 

• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb