“Oynadığıma görə çox şadam. Qələbə qazana bilərdik. Çünki bu, 3 xal qazanmağı çox istədiyimiz səfər oyunu idi”.

Apasport.az saytının məlumatına görə, bunu “Olimpiakos”un qapıçısı Aleksandros Pasxalakis Avropa Liqasının qrup mərhələsinin IV turunda “Qarabağ”la Bakıda keçirilən oyun barədə danışarkən deyib.

0:0 hesabı ilə başa çatan matçda Yunanıstan çempionunun heyətində debüt edən 33 yaşlı qolkiper yerli mətbuata açıqlamasında komandasının və özünün çıxışını dəyərləndirib: “Qələbə qazana bilməsək də, heç-heçə etdik. Duyğular qarışıqdır. Daha çox stress keçirəcəyimi gözləyirdim. Uzun müddət idi uzaqda idim, amma hər şey yaxşı keçdi. Komandama kömək etməyi bacardım. İlk andan məni isti qarşılayan komanda yoldaşlarıma təşəkkür edirəm”.

Qeyd edək ki, sona iki tur qalmış 1 xalla qrup sonuncusu olan “Olimpiakos”un Konfrans Liqasının pley-offuna ümidi davam edir. “Qarabağ” isə 7 xalla ikinci pillədə yer alır.
 

• “Formula 2” Bakı Qran-prisinin ikinci böyük səhnəsi: Sürət, rəqabət və adrenalin - FOTOLENT
• “Xankəndi” Zaur Hacıyevlə yollarını ayırdı - RƏSMİ
• Tiaqo Silva “Şəfa”da
• Şəhid Jurnalistlərin xatirəsinə həsr olunan Minifutbol Turnirinin açılışı və ilk turun oyunları keçiriləcək - FOTO
• Rusiya ilə İran yoldaşlıq görüşündə üz-üzə gələcək