Azərbaycanın daha bir parataekvondoçusu Cənubi Koreyanın Çhunçhon şəhərində keçirilən açıq dünya çağırış yarışında medal qazanıb. 

Taekvondo Federasiyasından apasport.az saytına verilən məlumata görə, G4 kateqoriyalı turnirin ikinci günü Əbülfəz Abuzərli (80 kq, K-44) fəxri kürsüyə yüksəlib. 

Yığma üzvü bürünc medala yiyələnib. Bununla da komandamızın turnirdə qazandığı mükafatlarının sayı 2-yə çatıb. Abuzərlidən öncə İmaməddin Xəlilov (70 kq, K-44) çempion tituluna sahib olub. 

Qeyd edək ki, yığma Avropa paralimpiya çempionatında da 2 qızıl, 1 gümüş və 2 bürünc medal qazanıb.
 

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”