"Qarabağ"ın daha bir futbolçusu Avropa klublarının maraq dairəsinə düşüb.

Apasport.az saytının əldə etdiyi məlumata görə, Marko Yankoviç komandanı tərk edə bilər.

Onun xidmətində bir neçə Avropa klubu maraqlıdır. 

Yarımmüdafiəçiyə Macarıstan, Xorvatiya və Polşa təmsilçilərindən ciddi təkliflər var. Monteneqrolunun keçidində ən israrlı tərəf Zaqreb "Dinamo"sudur.

Futbolçunun özü də Xorvatiya nəhəngində oynamağa müsbət yanaşır. Lakin hələ ki, Zaqreb təmsilçisi "Qarabağ"a rəsmi təklif göndərməyib. 

Ağdamlıların Yankoviç üçün yüksək məbləğ tələb etdiyi bildirilir. Klub onun transferindən ən azı 2-3 milyon avro qazanmaq niyyətindədir.

Qeyd edək ki, Marko 2022-ci ilin yayından "Qarabağ"ın şərəfini qoruyur. Onun Azərbaycan çempionu ilə müqavilə müddəti 2027-ci ilin yayına qədərdir.

• Valdas Dambrauskas: “Rəqibimiz daha çox risk almağa məcbur olacaq”
• "Neftçi"nin yeni transferi Alessio Kurçi: Qol və assistləri - VİDEO
• "Neftçi"nin Yeni Transferi Kimdir: “Maynts” Akademiyasından Bakı Klubuna
• "Qarabağ"a növbəti imtina: Daha bir hücumçu "yox" dedi
• Zaur Həşimov: "Yeni mövsüm üçün "Zirə"nin heyəti kasad görünür"