“Olimpiakos” Avropa Liqasının III turunda “Qarabağ”la keçiriləcək oyunöncəsi ciddi problemlərlə üzləşib.

Apasport.az saytının Yunanıstan mətbuatına istinadən məlumatına görə, Pirey təmsilçisi, xüsusən də, hücum xəttində sıxıntı yaşayır.

Sedrik Bakambunun Avropa Liqası üçün sifariş olunmaması, Yussef el-Arabinin isə zədələnməsi baş məşqçi Miçelin planlarını pozub. Həmçinin Hvan Ui-Jonun da durumu qeyri-müəyyəndir. İspaniyalı mütəxəssisin hazırda sərəncamındakı yeganə forvard Abubakar Kamaradır. Ancaq çalışdırıcı mavritaniyalıya güvənmir.

Bu səbəbdən Miçel “Qarabağ”la qarşılaşmada pleymeyker Pep Bieli gizli “9 nömrə” kimi oynatmağı planlaşdırır.

Qeyd edək ki, oktyabrın 6-da “Georgios Karaiskakis” stadionunda keçiriləcək “Olimpiakos” – “Qarabağ” oyunu Bakı vaxtı ilə saat 23:00-da başlayacaq.
 

• “Sabah” azarkeşlərinə şad xəbər – ÇL oyunları üçün VIP biletlər satışda
• “Formula 2” Bakı Qran-prisinin ikinci böyük səhnəsi: Sürət, rəqabət və adrenalin - FOTOLENT
• “Xankəndi” Zaur Hacıyevlə yollarını ayırdı - RƏSMİ
• Tiaqo Silva “Şəfa”da
• Şəhid Jurnalistlərin xatirəsinə həsr olunan Minifutbol Turnirinin açılışı və ilk turun oyunları keçiriləcək - FOTO