Türkiyənin “Fənərbaxça” klubu FIFA tərəfindən tətbiq edilən üç transfer dövrünü əhatə edən qadağa ilə bağlı açıqlama yayıb.

Apasport.az xəbər verir ki, İstanbul təmsilçisi sanksiyanın müvəqqəti olduğunu və Yussef En-Nesirinin transfer haqqı ilə bağlı ödənişdən qaynaqlandığını bildirib.

Klubun məlumatına görə, mərakeşli hücumçunun transfer haqqının 30 aprel 2026-cı il tarixində ödənilməli olan taksiti vaxtında köçürülməyib. Bundan sonra qarşı tərəf FIFA-ya müraciət edib. Yeni rəhbərlik vəzifəyə başladıqdan sonra gecikmiş ödənişi həyata keçirib.

Lakin FIFA-da açılan iş çərçivəsində növbəti taksitin də ödənilməsi tələb olunub. “Fənərbaxça” isə bunun üçün FIFA-nın qərarını gözləyib.

İstanbul klubu FIFA-nın qərarı ilə nəzərdə tutulan məbləğin ilk iş günü – sentyabrın 28-də ödəniləcəyini açıqlayıb. Bildirilib ki, ödənişdən sonra FIFA-dakı bürokratik prosedurlar tamamlanacaq və transfer qadağası aradan qaldırılacaq.

Qeyd edək ki, “Fənərbaxça” keçmiş dövrə aid bütün maliyyə göstəriciləri və öhdəliklərin sentyabrın 27-də keçiriləcək növbəti Ümumi Yığıncaqda ictimaiyyətə açıqlanacağını da bildirib.

• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"
• Burak Yılmaz Superliqaya qayıtdı – “Çorum”un yeni baş məşqçisi oldu