AFFA-nın təşkilatçılığı ilə aprelin 19-da Qaxda 12 yaşadək qızlar arasında “Bahar turniri” keçiriləcək.

Apasport.az xəbər verir ki, Qax Olimpiya İdman Kompleksində baş tutacaq turnirdə Qaxın 8 komandası mübarizə aparacaq.

Komandalar arasında qrup və final oyunları eyni gündə təşkil olunacaq.

İştirakçılar AFFA tərəfindən idman geyimi, top və gödəkçələrlə təmin olunacaqlar. Tədbirin sonunda qaliblər diplom, medallar və müxtəlif nominasiyalar üzrə mükafatlandırılacaqlar.

Qeyd edək ki, UEFA-nın dəstəyi ilə təşkil ediləcək “Bahar turniri” yarışının davamlı olaraq keçirilməsi planlaşdırılır. Layihənin təşkilində əsas məqsəd orta məktəb şagirdləri arasında sağlam həyat tərzinin düzgün şəkildə təbliği, futbola marağın artırılması, kütləviliyin təmin olunması, həmçinin gələcəkdə AFFA U-13 Qızlar Liqasına və milli komandalara futbolçuların hazırlanmasıdır.

• Gəncənin MDB-nin idman paytaxtı seçilməsi münasibətilə tədbir keçirilib
• "Bizim üçün "Qarabağ"ın qələbə qazanması daha sərfəli idi, lakin hər cür gedişata hazır idik" - MÜSAHİBƏ
• Vasili Berezutski: “Azarkeşlərə göstərdikləri dəstəyə görə təşəkkür edirəm”
• Veysəl Rzayev: "Təəssüf edirəm ki, avrokubok şansını əldən qaçırdıq"
• AFFA-da klub nümayəndələri ilə görüş keçirilib