İsveçrə millisinin yarımmüdafiəçisi Qranit Caka Serbiya ilə oyunda (2:1) vurduğu qoldan sonra etdiyi jest barədə fikirlərini bölüşüb. Apasport.az saytının məlumatına görə, 25 yaşlı futbolçu qol sevincini ana vətəninə həsr etdiyini deyib.

“Mənim üçün özəl oyun idi. Qələbəni məni həmişə dəstəkləyən dostlarıma və qohumlarıma həsr edirəm. Qolu qeyd edərkən rəqibə mesaj verməyə çalışmırdım. Etdiyim jest həmişə mənimlə olan, heç vaxt məni yarı yolda qoymayan insanlar üçün idi. Qol sevincimi valideynlərimin doğulduğu yerə - vətənimə həsr etdim. Saf emosiyaların qarşılığı nəticəsində belə bir şey ortaya çıxdı” – deyə, o bildirib.

Qeyd edək ki, Qranit Caka Serbiya millisi ilə oyunda fərqləndikdən sonra əlləri ilə Albaniyanın rəmzi hesab olunan qartalı təsvir edərək qol sevincini qeyd etmişdi. Onun valideynləri əslən Kosovo albanlarıdılar.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb