Beynəlxalq Şahmat Federasiyası (FIDE) növbəti reytinq siyahısını açıqlayıb.

Apasport.az FIDE-yə istinadla xəbər verir ki, yenilənmiş siyahıda 8 azərbaycanlı ilk "100-lüy"ə daxil olub. 

Ötən ayla müqayisədə 2 pillə irəliləyən Şəhriyar Məmmədyarov (2733) 17-ci sıraya yüksəlib. 3 mövqe geriləyən Teymur Rəcəbov isə (2723) 28-ci olub. Rauf Məmmədov (2651) 85-ci yerdə qalıb. Nicat Abasov "100-lük"dən kənardadır.

Qadın qrossmeysterlərdən Günay Məmməzadə (2436) 34-cü, Gövhər Beydullayeva (2402) 46-cıdır. Bundan əlavə, Ülviyyə Fətəliyeva (2377) 72-ci, Xanım Balacayeva (2371) 77-ci, Gülnar Məmmədova (2352) 99-cu pillədə qərarlaşıblar.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO