"Şamaxı"nın baş məşqçisi Ayxan Abbasov cəzalandırılıb.

Apasport.az xəbər verir ki, bu barədə AFFA İntizam Komitəsinin iclasında qərar qəbul olunub.

Mütəxəssis Misli Premyer Liqasının XIII turunda baş tutan "Şamaxı" – "Sumqayıt" oyununun 88-ci dəqiqəsində rəqib komandanın texniki zonasına aqressiv şəkildə daxil olduğuna görə cəzalandırılıb. Baş məşqçi 1 oyunluq diskvalifikasiya edilib, "Şamaxı" isə 2000 manat cərimələnib.

İntizam Komitəsi "Sumqayıt"ın baş məşqçisi Saşa İliçə daha ağır cəza verib. O, "Şamaxı" ilə matçda rəqib komandanın texniki zonasına qeyri etik ifadə və ya hərəkətə görə 4 oyunluq diskvalifikasiya olunub. "Sumqayıt" klubu isə baş məşqçinin hərəkətinə görə 10000 manat cərimələnib.

Bundan əlavə "Sumqayıt" 5 futbolçusunun sarı vərəqə almasına görə 700 manat cərimələnib.

• "Araz-Naxçıvan" "Kəpəz"lə münasibətlərə aydınlıq gətirəcək - YENİLƏNİR
• Günün oyunları bu kanallarda
• "Araz-Naxçıvan" "Benfika" ilə oyun üçün iştirak ərizəsini UEFA-ya göndərib
• "Qarabağ" "Karvan"ı belə məğlub etdi - VİDEO
• Qurbanov "Neftçi"dən gedişi barədə: Keçmişə qayıtmayaq