Serbiyanın paytaxtı Belqradda uşaq taekvondoçular arasında açıq Avropa birinciliyi keçirilib. 

Apasport xəbər verir ki, bunu Azərbaycan Taekvondo Federasiyası açıqlayıb.

Yığmamızın idmançıları turnirdə 1 qızıl, 1 gümüş və 3 bürünc medal qazanıblar. A kateqoriyasında 27 kq çəkidə Mehman Qənbərli qitənin ən güclüsü olub. “Kristal Abşeron” Taekvondo Klubunun üzvü finalda Omari Lapaçini (Gürcüstan) məğlub edərək, qızıl medala yiyələnib. Bu klubun digər yetirməsi Ülvi Məmmədov yalnız finalda məğlub olaraq, ikinci yeri tutub. “Kristal Abşeron” isə komanda hesabında ikinci pillədə qərarlaşıb.

Yarışda bürünc medalları “Xəzər” Taekvondo Klubundan Harun Hüseynov (36 kq), “Xəmsə” Taekvondo Klubundan Zaur Hüseynov (36 kq) və “Modern” Klubundan Nadir Paşayev (21 kq, B kateqoriyası) qazanıblar.
 

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”