Azərbaycan stolüstü tennisçiləri Əlcəzairdə keçirilən dünya seriyalı “WTT Youth Contender” turnirində 2 medal qazanıblar.

Apasport.az xəbər verir ki, milli üzvlərindən Onur Quluzadə və Yağmur Məmmədli fəxri kürsüyə qalxıblar.

13 yaşadək idmançıların mübarizəsində qrup mərhələsini inamla adlayan Onur Quluzadə ardınca digər rəqiblərini də yolundan kənarlaşdıraraq finala yüksəlib. Həlledici görüşdə Səudiyyə Ərəbistanı idmançısına da qalib gələn Onur yarışın qızıl medalına layiq görülüb.

Eyni yaş qrupunda bacarığını göstərən Yağmur Məmmədli qrupda rəqiblərini üstələdikdən sonra növbəti mərhələlərdə də inamlı çıxış sayəsində finala adlayıb. Son qarşılaşmada isə Özbəkistan təmsilçisinə uduzaraq fəxri kürsünün ikinci pilləsinə qalxıb.

Qeyd edək ki, “WTT Youth Contender” yeniyetmə və gənc stolüstü tennisçilərin ən nüfuzlu turnirlərindən sayılır.

• III MDB Oyunlarında 246 medal dəsti uğrunda mübarizə aparılacaq
• "Formula 1" üzrə Azərbaycan Qran-prisinin tarixi açıqlanıb
• Yeniyetmə badmintonçularımız beynəlxalq turnirdə qızıl medal qazanıblar
• Bakıda nadir klassik avtomobillərin sərgisi təşkil olunacaq
• Bakıda Müstəqillik Gününə həsr olunmuş veloyürüş keçirilib