Azərbaycan Boks Federasiyasının (ABF) Məşqçilər Komitəsinin ilk iclası keçirilib. 

Apasport.az saytının məlumatına görə, yığıncaqda ABF-in İdarə Heyətinin üzvü Rövşən Hüseynov yeni formalaşan komitənin sədri Vaqif Kazımov və onun müavini Əsgər Eyvazovu təqdim edib. 

Ardınca Məşqçilər Komitəsinin üzvləri təsdiqlənib. Bildirilib ki, burada şəxsi tələbələri Yay Olimpiya Oyunlarında, dünya və Avropa çempionatlarında mükafat qazanan məşqçi-müəllimlər yer alıblar. Bölgələrdə fəaliyyət göstərən və yetirmələri Azərbaycan çempionatlarında fəxri kürsüyə yüksələn mütəxəssislərin müstəsna hal kimi üzvlüyə qəbul ediləcəyi də qeyd olunub. 

İclasda müxtəlif yaş qrupları üzrə yarışlarda boksçuların iştirakı, seçimlərin düzgün aparılması, regionlarda işlərinin qurulması və kütləviliyə nail olunmaq yolları müzakirə edilib. Qərara alınıb ki, tezliklə ölkənin müxtəlif bölgələrində Məşqçilər Komitəsinin nümayəndəlikləri fəaliyyətə başlayacaq. 

Həmçinin məşqçilərin milli komandalarla işbirliyi barədə fikir mübadiləsi aparılıb, çalışdırıcıların beynəlxalq sertifikasiyaya hazırlığı barədə danışılıb. 

Mütəxəssislər də çıxış edərək Azərbaycanda boksun yüksələn xətlə inkişafına nail olmaq üçün təkliflərini səsləndiriblər. 
 

• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO
• Kamandan oxatma üzrə Bakı şəhər kubokunda qaliblər məlum oldu
• Silahlı Qüvvələr Günü münasibətilə Xarıbülbül zirvəsinə yürüş keçirilib