FİFA Hakimlər Komitəsinin sədri Pyerluici Kollina dünya çempionatında tətbiq edilən VAR sistemini dəyərləndirib. Apasport.az saytının xarici mətbuata istinadən məlumatına görə, sabiq referi bunun hakimlərə böyük köməyi olduğunu düşünür.

Kollina bildirib ki, VAR-ın vasitəsilə haqsız qərarların qarşısı alınıb: “VAR ideal deyil. Ancaq qərarların 99,3%-i doğrudu. Bu da ideala yaxın deməkdi. Bizi daha çox videotəkrarlardan istifadə zamanı itirilən vaxt narahat edirdi. Lakin 2014-cü ildəki dünya çempionatı ilə müqayisədə builki mundialda topun oyunda qaldığı müddət daha çoxdu. Hakimlər əlavə vaxtı da düzgün təyin edirlər”.

Qeyd edək ki, DÇ-2018-də hələlik 24 penalti təyin olunub ki, bunun 7-si VAR-ın köməyi ilə göstərilib. 2 penalti qərarı isə videotəkrara baxdıqdan sonra ləğv edilib.

• Azərbaycan kikboksçusu 2 il müddətinə diskvalifikasiya olunub
• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb