Məşhur “Forbes” jurnalı 2016-cı ildə dünyanın ən çox qazanan 100 idmançısının adını açıqlayıb. Apasport.az saytının məlumatına görə, siyahıya futbolçular başçılıq edirlər.

Sıralama idmançıların maaşı, mükafatı və reklam gəlirlərinə əsasən müəyyənləşdirilib. İlk sırada ötən ilin ən yaxşı futbolçusu seçilmiş Kriştianu Ronaldo qərarlaşır. “Real”ın portuqaliyalı futbolçusu geridə qalan ildə 56 milyon avro klubdan, 32 milyon isə reklamdan qazanıb. Onun ən yaxın izləyicisi olan “Barselona”nın hücumçusu Lionel Messidə bu rəqəm – 81,5 (53,5+28) milyon avrodu. İlk “üçlüy”ü basketbolçu Lebron Ceyms qapayır.

İlk “100-lük”də qərarlaşan digər futbolçular Neymar (21-ci yer. “Barselona” – 37,5 milyon avro), Zlatan İbrahimoviç (23. PSJ/“Barselona” – 37,4 milyon), Qaret Beyl (25. “Real” – 35,9 milyon), Serxio Aquero (60. “Mançester Siti” – 24,3 milyon), Bastian Şvaynştayger (80. “Mançester Yunayted” – 22,4 milyon), Hames Rodriges (83-84. “Real” – 22,1 milyon), Anxel Di Mariya (83-84. PSJ – 22,1 milyon) və Eden Azardı (85. “Çelsi” – 22 milyon).

2016-cı ildə ən çox qazanan 10 futbolçu

1. Kriştianu Ronaldo (futbol) – 88 milyon avro

2. Lionel Messi (futbol) – 81,5 milyon

3. Lebron Ceyms (basketbol) – 77 milyon

4. Rojer Federer (tennis) – 68 milyon

5-6. Novak Cokoviç (tennis) – 56 milyon

5-6. Kevin Dyurant (basketbol) – 56 milyon

7-9. Fil Mikelson (qolf) – 53 milyon

7-9. Sem Nyuton (Amerika futbolu) – 53 milyon

7-9. Cordan Spit (qolf) – 53 milyon

10. Kobe Brayant (basketbol) – 50 milyon

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək