Bakı Şəhər Halqası Əməliyyat Şirkəti (BŞH) Avropa Qran-Prisi könüllülərinin iştirakı ilə xeyriyyə aksiyası keçirəcək. BŞH-dən apasport.az saytına verilən məlumata görə, “Ümid halqasında birləşək!” adlı xeyriyyə aksiyası sabah saat 15:00-da Fəvvarələr Meydanında baş tutacaq.

Şuşanın işğalını anmaq məqsədilə keçiriləcək aksiyada könüllülər və əməliyyat şirkəti işçilərinin öz əlləri ilə hazırladıqları şirniyyatlar, suvenirlər və digər əşyalar satışa çıxarılacaq. Xeyriyyə aksiyasında toplanan vəsait “Ümid Yeri” uşaq evinə veriləcək.

Qeyd edək ki, Bakıda keçiriləcək “Formula-1” üzrə Avropa Qran-Prisi iyunun 17-19-da baş tutacaq.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM