Tanınmış ukraynalı güləş məşqçisi Andrey Pistun həmyerlilərinin Azərbaycana axınının səbəbini açıqlayıb. Apasport.az saytının məlumatına görə, mütəxəssis vətənində maliyyə durumunun ürəkaçan olmamağından gileylənib.

O bildirib ki, Azərbaycan vətəndaşlığı qəbul edən güləşçi kasıb həyatdan canını qurtarıb, imkanlı həyata qədəm qoyur: “Mən həmişə patriot olmuşam. Tez-tez yaxın dostum Aleksandrla görüşüb, məşqçilik barəsində danışırıq. O, ən yaxşı idmançı qızlarını Azərbaycana verib. Bu yaxınlarda onun bu ölkədəki tələbələri 3 medal götürdü. Həmin vaxt ona zən edib dedim ki, sənə halaldı. Bu medallarla sən onları uzun illər üçün kasıb həyatdan xilas etdin. Buna görə sənə “əhsən” düşür”.

Pistun Rio Olimpiadasından sonra Azərbaycana yeni güləşçi nəslinin axınını da istisna etməyib. Onun sözlərinə görə, yetirmələrinin güclü yığmalara getməsinin qarşısını kəsməyəcək: “Mən isə öz çempion qız yetirmələrim üçün heç nə edə bilmirəm. Bu səbəbdən vicdanım sızlayır. Onlar mübarizə aparırlar, zədə alırlar, çoxlu qiymətli medallar qazanırlar. Ancaq imkan baxımından irəli gedə bilmirlər. İndi gənclər üçün bir stimul var. O da ölkə xaricinə çıxmaqdı. Rio Olimpiadasından sonra çətin ki, məşqçilər güclü idmançıları saxlaya bilsinlər. Bu dəfə mən artıq öz idmançılarıma vəd verib, aldatmayacam”. 

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM