Mart 8-13-də Latviyanın paytaxtı Riqada güləş üzrə böyüklər arasında Avropa çempionatı keçiriləcək. Güləş Federasiyasından apasport.az saytına verilən məlumata görə, yarışa hazırlaşan qadın güləşi üzrə Azərbaycan millisinin üzvləri Ukraynanın Konça-Zaspa təlim-məşq bazasında məşqlərini davam etdirirlər.

Yığmamızın üzvləri ilə yanaşı, Ukrayna, Macarıstan, Braziliya və Böyük Britaniya güləşçiləri də təlim-məşq toplantısında iştirak edir. 

Baş məşqçi Semyon Çterev və böyük məşqçi Nazim Əlicanovun rəhbərliyi altında Kiyevə yollanan yığmanın heyətində Mariya Stadnik (48 kq), Leyla Qurbanova (53 kq), Nataliya Sinişin (55 kq) və Yuliya Ratkeviç (58 kq) yer alıb. 
 

Fevralın 1-dən başlayan təlim-məşq toplanışı ayın 11-də başa çatacaq. Daha sonra yığma komandanın üzvlərinin fevralın 13-14-də Kiyevdə keçiriləcək beynəlxalq turnirdə iştirakı planlaşdırılıb. 

• Sahib Ələkbərov: “Turnirə maraq olduqca böyükdür"
• “Bakı-Xankəndi” veloyarışı: Dördüncü mərhələ yekunlaşıb - FOTO
• “Bakı-Xankəndi” veloyarışı: Dördüncü mərhələyə start verilib
• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı