Azərbaycan sərbəst güləşçisi Cəbrayıl Həsənov ilkə imza atıb. Apasport.az saytının məlumatına görə, 74 kq çəki dərəcəsində yığmamızın əsas üzvü olan 26 yaşlı idmançı karyerasını Almaniyada davam etdirəcək.

Belə ki, Avropa çempionumuz legioner həyatı yaşamağa qərar verib. O, Almaniyanın “Nendingen” klubu ilə anlaşıb.

Klublararası Almaniya çempionatının ən yüksək dəstəsi – Bundesliqada çıxış edən 6 klubdan biri olan bu komanda heyətini ulduzlarla gücləndirməyə başlayıb. Onlar dünya çempionatının və Avropa Oyunlarının mükafatçısını da bu məqsədlə transfer ediblər.

Müqavilə ilkin olaraq, 2016/2017 mövsümü üçün imzalanıb. Artıq onun adı yeni il üçün iştirak ərizəsinə də salınıb.

Qeyd edək ki, Həsənov Rio-2016-da sərbəst güləş üzrə Azərbaycan millisinin şərəfini qoruyacaq. O, “Nendingen”ə Bakının “Zenit” klubundan gedib. 

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM