Taekvondo yarışları Azərbaycan idman tarixinə düşüb. Apasport.az saytının məlumatına görə, bu idman növü təmsilçilərimizin Olimpiadalarda medal qazandığı 7-ci növdü.

Belə ki, müstəqil Azərbaycan tarixində ilk dəfə taekvondoçumuz Yay Olimpiya Oyunlarında mükafatçılar sırasına düşüb. Bunu Rio-2016-da 49 kq çəki dərəcəsində çıxış edən Patimat Abakarova rəsmiləşdirib. 22 yaşlı idmançı Azərbaycan taekvondo idmanına ilk belə uğur qazandırıb.

1996-cı ildən müstəqil ölkə kimi Olimpiadalara qatılan Azərbaycan taekvondoda əldə etdiyi nailiyyətə qədər yalnız 6 idman növündə Olimpiya medalı əldə etmişdi. Bunlar güləş, atıcılıq, cüdo, boks, ağırlıqqaldırma və kayak və kanoe ilə avarçəkmədi. Taekvondo bu siyahıda 7-ci olub. 

Qeyd edək ki, kayak və kanoe ilə avarçəkmə növündə də ilki Rioda yaşamışıq. Təmsilçimiz İnna Osipenko-Radomskaya bu növdə ölkəmizə ilk mükafatı – bürüncü qazandırıb.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM