Azərbaycan 2028-ci ildə keçiriləcək Yay Olimpiya Oyunları üçün namizədliyini verə bilər. Apasport.az saytının məlumatına görə, bunu Azərbaycan gənclər və idman naziri Azad Rəhimov açıqlayıb.
Bakıda keçirilmiş IV İslam Həmrəyliyi Oyunlarının yekununa həsr olunmuş mətbuat konfransında çıxış edən nazir ölkəmizin daha böyük yarışa – Olimpiadalara ev sahibliyi haqda da danışıb.
O bildirib ki, əvvəllər də bir neçə dəfə bu yarışın təşkilatçılıq hüququnu əldə etməyə iddia edən Bakı bu istəyini 2028-ci ildə gerçəkləşdirə bilər: “2024-cü ildə keçiriləcək Yay Olimpiya Oyunlarının ev sahibliyinə namizədlər arasında Azərbaycan yoxdu. Artıq iki iddiaçı qalıb. 2028-ci il üçün Beynəlxalq Olimpiya Komitəsinə müraciətlər 2020-ci ildə gerçəkləşəcək. Buna Azərbaycan prezidenti və Milli Olimpiya Komitəsinin prezidenti qərar verəcək. Müraciət edərkən bizim infrastrukturumuzun hansı səviyyədə olduğuna da baxmalıyıq. Məsələn, bizdə üzgüçülük hovuzu 6 min tamaşaçı tutumuna malikdi. Olimpiya Oyunları üçün isə bu rəqəmin 18 min olması zəruridi. Həmçinin bir sıra idman qurğularımızda da belə hallar müşahidə olunur. Həmin vaxta qədər müəyyən dəyişikliklərin olması mümkündü”.
- Azərbaycan Milli Paralimpiya Komitəsinin nümayəndələri Berlində görüşlərdə iştirak ediblər
- Azərbaycan İdman Akademiyası dünyada 5 ulduz alan ilk idman profilli ali təhsil müəssisəsi olub
- Bakıda eşitmə qüsurlu cüdoçular arasında V Avropa çempionatı keçiriləcək
- Bakıda yanğınsöndürmə və xilasetmə üzrə dünya çempionatının açılış mərasimi keçirilib
- Bakıda yanğınsöndürmə və xilasetmə üzrə dünya çempionatının açılış mərasimi keçirilib