Sabah bədii və batut gimnastikası üzrə Azərbaycan çempionatına start veriləcək. Gimnastika Federasiyasından apasport.az saytına verilən məlumata görə, 3 gün ərzində Milli Gimnastika Arenasında təşkil olunacaq yarışda qaliblər 4 yaş kateqoriyası üzrə müəyyənləşəcək.

Çempionata ölkəmizin titullu idmançıları da qatılacaqlar. Belə ki, azarkeşlər yarış zamanı Bakı-2015-in bürünc medalçısı İlya Qrişunin, Avropa çempionatının bürünc mükafatçısı Dmitri Fedorovski (hər ikisi batut), Avropa Oyunlarının ikincisi, Rio-2016-nın iştirakçısı Marina Durundanın (bədii gimnastika) çıxışlarını da izləyəcəklər. Həmçinin qrup hərəkətləri komandalarının nümunəvi çıxışları, müsabiqələr və ruhlandırıcı fleşmobların da olması nəzərdə tutulub.

Sonda Qala-konsertdə gimnastlar xalçanı idman, incəsənət və rəqs dünyasının harmoniyasını özündə əks etdirən çıxışlarla bəzəyəcəklər.  

Qeyd edək ki, yarış zamanı Bakı birinciliyi də keçiriləcək. 

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM