Qılıncoynatma üzrə Rusiya yığmasının azərbaycanlı baş məşqçisi İlqar Məmmədovun adı əbədiləşdirilir. Apasport.az saytının məlumatına görə, şimal qonşularımız yeni inşa olunacaq Qılıncoynatma Mərkəzinə həmyerlimizin adı veriləcək.

Bu barədə qərar Rusiya yığmasının Rio-2016-da uğurlu çıxışından sonra verilib. Moskvaətrafı Ximki şəhərinin qılıncoynatma məktəbinin 2 yetirməsinin Olimpiya çempionu olması Mərkəzin burada tikilməsinə əsas olub. Məhz həmin məktəbdə çalışan Məmmədov və yetirmələri hazırlıqlarını yeni bazada keçəcəklər.

Mərkəzin xərclərini məşhur milyarder Alişir Usmanov öz üzərinə götürüb. Oraya Məmmədovun adının verilməsini isə Ximki dairəsinin başçısı Vladimir Sletsov açıqlayıb. 

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM