Beynəlxalq Cüdo Federasiyası yeni reytinq cədvəlini açıqlayıb. Apasport.az saytının məlumatına görə, siyahı Azərbaycan millisinin aparıcı idmançıları üçün uğurlu alınıb.
Belə ki, 3 çəki dərəcəsində cüdoçularımız yenə dünyanın ən güclüsüdülər. Bunlar Orxan Səfərov (60 kq), Rüstəm Orucov (73 kq) və Elmar Qasımovdu (100 kq).
Həmyerlilərimizdən Nicat Şıxəlizadə (66 kq) və Elxan Məmmədov (100 kq) ilk “5-lik”dəki yerlərini qoruyublar. Onlar müvafiq olaraq, 4-cü və 5-cidi.
Yığmamızın üzvlərindən Tural Səfquliyev (90 kq) və Leyla Əliyeva (48 kq) hərəyə 1 pillə irəli gedib. Səfquliyev 26-cı yerə yüksəldiyi halda, xanım cüdoçumuz 43-cü pilləni ələ keçirib.
Digər idmançılarımıza gəlincə, İlqar Müşkiyev (60 kq) yenə 21-ci,
Tərlan Kərimov (66 kq) 57-ci, Hidayət Heydərov (73 kq) 23-cü, Rüfət İsmayılov (81 kq) 15-ci, Məmmədəli Mehdiyev (90 kq) 11-ci, Uşanqi Kokauri (+100 kq) 18-ci, Xanım Hüseynova (63 kq) 35-ci yerdə qərar tutub.
Cüdoçularımızdan Aişə Qurbanlı (48 kq) isə 2 pillə geriləyib. O, 54-cüdü.
- Azərbaycan Milli Paralimpiya Komitəsinin nümayəndələri Berlində görüşlərdə iştirak ediblər
- Azərbaycan İdman Akademiyası dünyada 5 ulduz alan ilk idman profilli ali təhsil müəssisəsi olub
- Bakıda eşitmə qüsurlu cüdoçular arasında V Avropa çempionatı keçiriləcək
- Bakıda yanğınsöndürmə və xilasetmə üzrə dünya çempionatının açılış mərasimi keçirilib
- Bakıda yanğınsöndürmə və xilasetmə üzrə dünya çempionatının açılış mərasimi keçirilib