“Volfsburq”un hücumçusu Mario Qomes yenidən zədələnib. Apasport.az saytının yerli mətbuata istinadən məlumatına görə, 31 yaşlı forvard Bundesliqanın qarşıdakı turunu buraxa bilər.
DÇ-2018-in seçmə mərhələsi çərçivəsində Azərbaycanla Bakıda keçirilən görüşdə zədə alan Almaniya yığmasının üzvü klubunda tibbi müayinədən keçib. Məlum olub ki, millimizlə qarşılaşmadan öncə yüngül zədəsi olan Qomes eyni nahiyədən xəsarət alıb. Ulduz futbolçu hələ də klubunda fərdi məşqlərlə kifayətlənir.
Həkimlər həm Qomesin, həm də məşqdə zədələnən “Volfsburq”un yarımmüdafiəçisi Daniel Didavinin Bundesliqanın XXVI turunda “Bayer”lə baş tutacaq matçda (2 aprel) iştirakının sual altında olduğunu açıqlayıblar.
Qeyd edək ki, Bundestimin Azərbaycan millisi üzərində 4:1 hesabı ilə qalib gəldiyi görüşdə qonaqların qollarından birinə məhz Mario Qomes imza atıb.
- Azərbaycan Milli Paralimpiya Komitəsinin nümayəndələri Berlində görüşlərdə iştirak ediblər
- Azərbaycan İdman Akademiyası dünyada 5 ulduz alan ilk idman profilli ali təhsil müəssisəsi olub
- Bakıda eşitmə qüsurlu cüdoçular arasında V Avropa çempionatı keçiriləcək
- Bakıda yanğınsöndürmə və xilasetmə üzrə dünya çempionatının açılış mərasimi keçirilib
- Bakıda yanğınsöndürmə və xilasetmə üzrə dünya çempionatının açılış mərasimi keçirilib