“Türkiyə adından ilk döyüşə mən çıxdım. Rəqibim məndən zəif döyüşsə də, fiziki cəhətdən güclü idi. Allahın köməkliyi ilə ona qalib gəldim”. Bu sözləri apasport.az saytına açıqlamasında Türkiyə yığmasının boksçusu Hakan Doğan deyib.
Bakıda keçirilən IV İslam Həmrəyliyi Oyunlarında 60 kq çəki dərəcəsində qayanalı Yoel Volliamson üzərində qələbə qazanan Doğan adını 1/4 finala yazdırıb. Bu mərhələdə onun rəqibi Azərbaycan idmançısı Cavid Çələbiyev olacaq.
Azərbaycanda idman yarışlarının yüksək səviyyədə təşkil edildiyini və idmançıların yaxşı qarşılandığını deyən Hakan Doğan dünya çempionumuzu da məğlub etməkdə iddialıdı: “Əlbəttə ki, azərbaycanlılar bizim qardaşımızdı. Hər ikimiz qalib gəlmək istəyirik. Ancaq mən bura çempion olmaq üçün gəlmişəm və inanıram ki, ona qalib gələcəm".
Qeyd edək ki, Cavid Çələbiyevlə Hakan Doğan mayın 14-də üz-üzə gələcəklər.
- Azərbaycan Milli Paralimpiya Komitəsinin nümayəndələri Berlində görüşlərdə iştirak ediblər
- Azərbaycan İdman Akademiyası dünyada 5 ulduz alan ilk idman profilli ali təhsil müəssisəsi olub
- Bakıda eşitmə qüsurlu cüdoçular arasında V Avropa çempionatı keçiriləcək
- Bakıda yanğınsöndürmə və xilasetmə üzrə dünya çempionatının açılış mərasimi keçirilib
- Bakıda yanğınsöndürmə və xilasetmə üzrə dünya çempionatının açılış mərasimi keçirilib