Bakı-2015 I Avropa Oyunlarında Azərbaycanın hesabına 10-cu qızıl, ümumilikdə isə 22-ci mükafatı sərbəst güləşçi Xetaq Qazyumov yazdırıb. Apasport.az saytının məlumatına görə, 97 kq çəki dərəcəsində yarışan idmançımız bütün rəqiblərinə qalib gələrək, birinci olub.

Finalda gürcüstanlı Elizbar Odikadze ilə qarşılaşan Qazyumov 3:1 hesablı qələbə qazanıb. Nəticədə Avropa və dünya çempionumuz ilk Avropa Oyunlarını da çempion kimi başa vurub.

Bu görüşü Azərbaycan prezidenti İlham Əliyev və I Avropa Oyunlarının Təşkilat Komitəsinin sədri Mehriban Əliyeva canlı izləyib.

Toğrul Əsgərov kimi, Qazyumova da qızıl medalı ölkə başçısı İlham Əliyev təqdim edib.

Ardınca himn sədaları altında dövlət bayrağımız dalğalanıb.

• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO