Beynəlxalq Cüdo Federasiyası yeni reytinq cədvəlini açıqlayıb. Apasport.az saytının məlumatına görə, Avropa çempionatının yekununa əsasən tərtib olunan siyahı Azərbaycan millisi üçün uğurlu alınıb.

Rio Olimpiadasına cəmi 3 yarış qalmış açıqlanan cədvəldə millimizin aparıcı üzvləri mövqelərini möhkəmlədiblər.

Belə ki, Avropa çempionu adını qazanan Rüstəm Orucov (73 kq) öz çəkisində yenə birincidi. Elmar Qasımov Rusiyanın Kazan şəhərində keçirilən yarışda mükafat qazanmasa da, liderliyini kiməsə güzəştə getməyib. Onunla birgə 100 kq çəki dərəcəsində yığmamızın şərəfini qoruyan Elxan Məmmədov isə 21-cidi.

Avropa çempionatında gümüş medalla kifayətlənən Orxan Səfərov (60 kq) da mövqeyini yaxşılaşdırıb. O, hazırda 4-cüdü.

Digər cüdoçularımıza gəlincə, İlqar Müşkiyev (60 kq) 14-cü, Nicat Şıxəlizadə (66 kq) 10-cu, Tərlan Kərimov (66 kq) 42-ci, Abdulhaqq Rəsullu (81 kq) 60-cı, Məmmədəli Mehdiyev (90 kq) 28-ci, Uşanqi Kokauri (+100 kq) 31-ci və Aişə Qurbanlı (48 kq) 45-ci yerdə qərarlaşıb.

Bu isə o deməkdi ki, kişilərdən ibarət yığmamızın Rioya tam heyətlə yollanması üçün Rəsullu qarşıdakı turnirlərdə maksimum xal toplamalıdı. Digər çəkilərdə isə lisenziyalarımızın rəsmiləşməsi qalıb. Yəni bəzi cüdoçularımız öz ölkələrinin ən yaxşıları olmayanları nəzərə alsaq, “22-lik”də yerlərini təmin ediblər.

Qeyd edək ki, cüdo idman növündə Olimpiadaya lisenziya reytinq xalına əsasən verilir.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM