Avropa çempionatının 1/4 final mərhələsi çərçivəsində dünən baş tutan Fransa – İslandiya qarşılaşması öncəsi həyəcanlı anlar yaşanıb. Apasport.az saytının xarici mətbuata istinadən məlumatına görə, oyundan əvvəl stadionun yaxınlığında partlayış səsi eşidilib.

Bu, matça yollanan azarkeşləri təşvişə salıb. Ancaq sonradan məlum olub ki, partlayış polis nəzarəti altında gerçəkləşdirilib. Belə ki, polis qapısı açıq şəkildə qanunsuz yerdə park edilən bir avtomobili partladıb. Daha sonra bu, stadionun həndəvərində qorxu içində dayanan azarkeşlərə elan edilib və fanatlar arenaya daxil olublar.

Partladılan avtomobilin içindən hansısa şübhəli maddə tapılmayıb. Yerli təhlükəsizlik əməkdaşı açıqlamasında Parisdə bunun adi hal olduğunu söyləyib.

Qeyd edək ki, “Stad de Frans”da keçirilən Fransa – İslandiya görüşündə ev sahibləri 5:2 hesabı ilə qələbə qazanaraq, yarımfinalda Almaniyaya rəqib olub.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM