Hindistanın paytaxtı Dehlidə güllə atıcılığı üzrə Dünya Kuboku davam edir. Apasport.az saytının məlumatına görə, martın 2-də başa çatacaq yarış Azərbaycan millisi üçün uğurla start götürüb.

Dünya Kubokundakı yeganə təmsilçimiz Ruslan Lunyov 25 m məsafəyə atəşaçmada çıxışını 3-cü yerdə başa vurub. Belə ki, snayperimiz təsnifat mərhələsində 579 xalla dördüncü yeri tutsa da, həlledici atışlarda 23 xalla bürünc medala sahib olub. O, 31 xal toplayan çinlilər – Jiajie Lao və Junmin Lindən geri qalıb.

Qeyd edək ki, Lunyov 10 m məsafədən atəşaçmada da hədəf önünə keçəcək.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək