Şüvüllə tullanma üzrə ikiqat Olimpiya çempionu Yelena İsinbayeva Beynəlxalq Olimpiya Komitəsini məhkəməyə verə bilər. Apasport.az saytının məlumatına görə, qurum Rusiya atletika yığmasını Rio-2016-ya buraxmazsa, idmançı bu addımı atacaq.

Rusiyalı atlet bildirib ki, hüquqlarını müdafiə etməkdə israrlıdı: “Əgər Olimpiadaya buraxılmaqla bağlı məsələmiz həll olunmazsa, insan hüquqlarının pozulması ilə bağlı məhkəməyə müraciət edəcəm”.

Ümumrusiya Atletika Federasiyasının prezidenti Dmitri Şlyaxtin isə məsələnin müsbət həllinə ümidini itirməyib: “Hazırda biz təmizik və etməli olduğumuzdan kənara çıxmamışıq. İndi “ilişiləsi” heç nə yoxdu. Lakin hadisələrinin iyunun 17-dən sonra necə davam edəcəyini deyə bilmərəm. Düşünürəm ki, bizim Olimpiadada iştirakımız 50-60 faizdi”.

Qeyd edək ki, rusiyalı atletlərin Rioda iştirakı ilə bağlı yekun qərar iyunun 17-də veriləcək. 

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM