İtaliyanın Pesaro şəhərində bədii gimnastika üzrə beynəlxalq turnir keçirilib. Gimnastika Federasiyasından apasport.az saytına verilən məlumata görə, yarışda iştirak edən Azərbaycanın qrup hərəkətləri üzrə komandası yarışı mükafatla başa vurub.

Güllü Ağalarzadə, Dərya Sorokina, Nərmin Cahangirova, Narın Qurbanova və Fatimə Əkbərovadan ibarət yığmamız 10 gürzlə icra etdikləri kompozisiya ilə Rusiya və İsrail komandasından geri qalaraq, bürünc medal əldə ediblər.

Böyüklər arasında fərdi proqramda çıxış edən Zöhrə Ağamirova təsnifat mərhələsində hər 4 alət ilə uğurlu çıxış edərək, finallara yüksəlməyi bacarıb. Yekun mərhələdə o, ən yaxşı nəticəni halqa ilə göstərərək, medalın bir addımlığında – 4-cü yerdə qərarlaşıb.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM