Bakı-2015 I Avropa Oyunlarında Azərbaycanın aktivinə daha bir qızıl medalı qadınlardan ibarət güləş yığmamız yazdırıb. Apasport.az saytının məlumatına görə, Mariya Stadnik 48 kq çəki dərəcəsində rəqib tanımayıb.

Güləşçimizin finalda bolqarıstanlı Elitsa Yankova üzərində parlaq qələbəsini Azərbaycan prezidenti İlham Əliyev və I Avropa Oyunlarının Təşkilat Komitəsinin sədri Mehriban  Əliyeva da canlı izləyib. Stadniki məhz Azərbaycanın birinci xanımı mükafatlandırıb.

Belə ki, fəxri kürsünün ən yüksək pilləsinə qalxan dünya və Avropa çempionuna qızıl medalı Mehriban Əliyeva təqdim edib.

Bunun ardından himn sədaları altında dövlət bayrağımız dalğalanıb.

Qeyd edək ki, bununla Azərbaycan millisinin Bakı-2015-də qızıl medal sayı 7-yə çatıb.

• İdmançılarımız Avropa Yay Olimpiya Festivalına hazırlaşırlar
• AzVİF-lə Elm və Təhsil Nazirliyinin əməkdaşlığı çərçivəsində yeni layihəyə start verilib - FOTO
• Azərbaycan və Polşa arasında antidopinq sahəsində əməkdaşlığın perspektivləri müzakirə olunub
• Millidən yeni rekord: Yığma dünya reytinqində 27-ci sıraya yüksəlib
• Şose velosipedi üzrə Azərbaycan çempionatı start götürüb