Qazaxıstanın paytaxtı Astanada qadın boksçular arasında dünya çempionatı davam edir. Apasport.az saytının məlumatına görə, yarışın ikinci günündə Azərbaycan millisinin daha bir üzvü rinqə çıxıb.

75 kq çəki dərəcəsində mübarizə aparan Yelena Vıstropova ilk döyüşünü keçirib. Rioya lisenziya arzusunda olan təmsilçimiz startdaca Quançjoudakı dünya çempionatının finalında uduzduğu Savanna Marşallla üz-üzə gəlib.

Görüş bu dəfə də böyük britaniyalı idmançının qələbəsi ilə yekunlaşıb. Rəqib 3:0 hesabı ilə qalib gəlib.

Qeyd edək ki, bunadək Ayzanat Hacıyeva (64 kq) və Alina Hacıyeva (81 kq) da məğlub olmuşdu. Komandamız Astanaya isə 9 boksçu ilə yollanıb. 

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM