Kubanın paytaxtı Havanada cüdo üzrə Qran-Pri yarışlarına start verilib. Apasport.az saytı xəbər verir ki, yarışın ilk günündə cüdo üzrə Azərbaycan milli komandasının 3 üzvü qüvvəsini sınayıb.

60 kq çəki dərəcəsində çıxış edən Orxan Səfərov mübarizəyə ikinci mərhələdən qoşulub. Avstriya təmsilçisi Lüdviq Peyşeri, ardınca monqolustanlı Tsoqtbaatar Tsendoçiri məğlub edən Səfərov 1/4 finalda Böyük Britaniya idmançısı Eşli Makkenziyə qalib gəlib. Lakin idmançımız yarımfinalda braziliyalı Erik Takabatakeyə uduzaraq, bürünc medal uğrunda Özbəkistan təmsilçisi Şarafuddin Lütfillayevlə qarşılaşıb.

Gərgin idman mübarizəsi şəraitində keçən qarşılaşmada Orxan Səfərov rəqibinə qalib gələrək, Kuba Qran-Prisində millimizin aktivinə ilk medalı yazdırıb.

Digər iki cüdoçumuz – İlqar Müşkiyev (60 kq) və Tərlan Kərimov (66 kq) isə mübarizəni erkən dayandırıblar.

• Sahib Ələkbərov: “Turnirə maraq olduqca böyükdür"
• “Bakı-Xankəndi” veloyarışı: Dördüncü mərhələ yekunlaşıb - FOTO
• “Bakı-Xankəndi” veloyarışı: Dördüncü mərhələyə start verilib
• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı