“Rio Olimpiadasına taekvondo komandası olaraq, 4 idmançı ilə yollanıb 3 medal qazandıq”. Apasport.az saytının məlumatına görə, bunu Azərbaycan Taekvondo Federasiyasının vitse-prezidenti Niyaməddin Paşayev deyib.
Dünya çempionumuz idmançılarımızın Rio-2016-dakı çıxışını şərh edib. O bildirib ki, Olimpiadalarda ilk medalları qazandıqları üçün sevinclidi: “İdmançılarımızın bu uğuruna görə, başda prezidentimiz İlham Əliyev, Taekvondo Federasiyasının prezidenti Kəmaləddin Heydərov olmaqla, bütün xalqımızı təbrik edirəm. Federasiya olaraq indiyə kimi 3 olimpiya oyununda iştirak edib, medal qazana bilməmişdik. Şükürlər olsun ki, bu dəfə 4 idmançı ilə 3 medal qazandıq. 1 qızıl, 2 bürünc medalla Vətənə döndük”.
Qeyd edək ki, taekvondoçularımızdan Radik İsayev Azərbaycan yığmasına yeganə qızıl medalı qazandırdığı halda, Patimat Abakarova və Milad Beiqi Harçeqani 3-cü yeri tutublar.
- Azərbaycan Milli Paralimpiya Komitəsinin nümayəndələri Berlində görüşlərdə iştirak ediblər
- Azərbaycan İdman Akademiyası dünyada 5 ulduz alan ilk idman profilli ali təhsil müəssisəsi olub
- Bakıda eşitmə qüsurlu cüdoçular arasında V Avropa çempionatı keçiriləcək
- Bakıda yanğınsöndürmə və xilasetmə üzrə dünya çempionatının açılış mərasimi keçirilib
- Bakıda yanğınsöndürmə və xilasetmə üzrə dünya çempionatının açılış mərasimi keçirilib