Rio-2016 Paralimpiya Oyunlarında Azərbaycan ilk medalını qazanıb. Apasport.az saytının məlumatına görə, cüdoçumuz Bayram Mustafayev mübarizəni gümüş medalla başa vurub.

66 kq çəki dərəcəsində yarışan idmançımız turnirə 1/4 finaldan start verib. O, ilk olaraq meydan sahibi Oliviera Botoya qalib gəlib. Təmsilçimizin yarımfinaldakı rəqibi yapon Satoşi Fujimoto olub. Bu dəfə də qələbəyə sevinən Mustafayev qızıl medal uğrunda özbəkistanlı Utkirjon Niqmatovla qarşılaşıb.

Rəqibinə məğlub olan cüdoçumuz 4 illiyin ən möhtəşəm yarışını ikinci olaraq tamamlayıb.

Eyni gündə tatamiyə çıxan digər təmsilçimiz Ramin İbrahimov (60 kq) isə 5-ciliklə kifayətlənməli olub. 1/8 finalda Eduardo Qautonu (Argentina) yolundan kənarlaşdıran təmsilçimiz 1/4 finalda qazaxıstanlı Anuar Sarıyevdən üstün olub. Yarımfinal mübarizəsində özbək Şirzod Namozova uduzan Ramin üçünlük uğrunda mübarizəni də məğlub başa vurub. Monqolustanlı Uqanxu Bolorma həmyerlimizdən üstün olub.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM