Dağıstan Respublikasının Xasavyurd şəhərində parataekvando üzrə Rusiya - Azərbaycan beynəlxalq yoldaşlıq görüşü keçirilib. Apasport.az saytının məlumatına görə, yarışa 13 idmançı ilə qatılan yığmamızın hər bir üzvü medal qazanıb.
Belə ki, təmsilçilərimiz aktivinə 7 qızıl, 2 gümüş və 4 bürünc medal yazdırıblar. Həmyerlilərimizdən Səlvan Məmmədov (K44, 75 kq), Elimxan Manafov (K42), Şəhmir İbadov (K41), Sadiq Həmidov (K43, hər üçü 61 kq), Nicat Müslümov (K42, 75 kq), Aleksandr Polişuk (K42, +75 kq) və Aynur Məmmədova (K44, +58 kq) fəxri kürsünün ən yüksək pilləsinə qalxıblar.
İmaməddin Xəlilovla (K44, 61 kq) Əbülfəz Abuzərlinin (K44, 75 kq) gümüş medal qazandığı görüşdə Vüqar Adışırınov (K44, +75 kq), Hüseyn Həsənov (K44, 75 kq), Rövşən Qəhrəmanlı (K44) və Fərid Əsədov (K42, hər ikisi 61 kq) 3-cü yeri tutublar.
- Azərbaycan Milli Paralimpiya Komitəsinin nümayəndələri Berlində görüşlərdə iştirak ediblər
- Azərbaycan İdman Akademiyası dünyada 5 ulduz alan ilk idman profilli ali təhsil müəssisəsi olub
- Bakıda eşitmə qüsurlu cüdoçular arasında V Avropa çempionatı keçiriləcək
- Bakıda yanğınsöndürmə və xilasetmə üzrə dünya çempionatının açılış mərasimi keçirilib
- Bakıda yanğınsöndürmə və xilasetmə üzrə dünya çempionatının açılış mərasimi keçirilib