“Böyük Britaniyadan olan rəqibim çox güclü boksçu idi. Mən onun döyüşlərini izləyirdim. Amma onunla görüşüm çox ağır olmadı”. Bunu apasport.az saytının açıqlamasında Azərbaycan millisinin boksçusu Teymur Məmmədov deyib.

91 kq çəki dərəcəsində çıxış edən idmançımız Avropa Oyunlarında 81 kq çəkili boksçuların yarışında mübarizə aparır.

Bakı-2015-də bu gün birinci görüşünə çıxan Məmmədov özünün və yığmamızın ilk qələbəsini qazanıb. Avropa çempionumuz Böyük Britaniya təmsilçisi Coşua Buatsini məğlub etdikdən sonra bildirib ki, birinci döyüş həmişə gərgin alınır: “İkinci döyüşümü Polşa təmsilçisi Yordan Kulinskiyə qarşı keçirəcəm. Özümə inanıram. Avropa Oyunlarında qızıl medal alıb, bayrağımızı qaldıracağıma ümidim böyükdü”.

O, fərqli çəki dərəcəsində çıxış etməyin asan olduğunu da deyib: “81 kq çəki dərəcəsində döyüşmək mənim üçün asandı. 91 kq çəkidə mübarizə aparanda hamı çəkidə məndən ağır olduğu üçün sıxılırdım, çətinlik olurdu. Amma burda mən hamı ilə eyni fiziki gücdəyəm və döyüşmək daha asan gəlir”. 

• Üzgüçülük üzrə Dünya Kubokunun Bakı mərhələsi ilə bağlı müzakirələr aparılıb
• Sahib Ələkbərov: “Turnirə maraq olduqca böyükdür"
• “Bakı-Xankəndi” veloyarışı: Dördüncü mərhələ yekunlaşıb - FOTO
• “Bakı-Xankəndi” veloyarışı: Dördüncü mərhələyə start verilib
• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”