Çexiyada yeniyetmələr arasında cüdo üzrə keçirilən Avropa kubokuna yekun vurulub. Apasport.az saytının məlumatına görə, yarışın sonuncu günü Azərbaycan milli komandası aktivinə daha 2 medal yazdırıb.

Ölkəmizi +90 kq çəki dərəcəsində təmsil edən Məhəmməd Abdullayev bütün rəqiblərinə qalib gələrək, qızıl medal qazanıb. Onun komanda yoldaşı Cəfər Əkbərli (90 kq) isə “bürünc”lə kifayətlənib.

Bununla da, ümumilikdə 4 qızıl, 1 gümüş və 2 bürünc medal qazanan millimiz komanda hesabında Avropanın ən güclüsü adına yiyələnib.

Qeyd edək ki, 31 ölkədən 678 idmançının (422 oğlan, 256 qız) mübarizə apardığı Avropa kubokunda Azərbaycan milli komandası 28 yeniyetmə cüdoçu (24 oğlan, 4 qız) ilə təmsil olunub.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək